പിന്നേം ഞെട്ടിച്ച് ജിയോ..

Criticz360.com

രാജ്യത്തെ മുൻനിര ടെലികോം സേവനദാതാക്കളായ റിലയൻസ് ജിയോ വരിക്കാരെ പിടിച്ചുനിർത്താനായി വീണ്ടും മറ്റൊരു അത്യുഗ്രൻ ഓഫർ അവതരിപ്പിച്ചു. നിലവിലെ ഓഫർ പിന്‍വലിച്ചാണ് പുതിയത് പ്രഖ്യാപിച്ചിരിക്കുന്നത്. 399 രൂപയ്ക്കോ അതിനു മുകളിലോ റീചാർജ് ചെയ്താൽ നേരത്തെ ക്യാഷ്ബാക്കായി നൽകിയിരുന്നത് 2,599 രൂപയായിരുന്നു. ഈ തുക 3,300 രൂപയായി ഉയർത്തി വരിക്കാരെ ഞെട്ടിപ്പിക്കുകയായിരുന്നു.
നിലവിലെ പ്രൈം അംഗങ്ങൾക്കാണ് ഈ ഓഫർ നൽകുന്നത്. ട്രിപ്പിൾ ക്യാഷ്ബാക്ക് ഓഫർ പിൻവലിച്ച് മണിക്കൂറകൾക്കുള്ളിലാണ് പുതിയ ഓഫർ പ്രഖ്യാപ്പിച്ചത്. ഡിസംബർ 26 മുതൽ ജനുവരി 15 വരെയുള്ള റീചാർജുകൾക്കാണ് ഓഫർ നൽകുന്നത്. 399 രൂപയ്ക്കോ അതിനു മുകളിലോ റീചാർജ് ചെയ്യുന്നവർക്ക് 400 രൂപ ഇന്‍സ്റ്റന്റ് ക്യാഷ്ബാക്കായും 300 രൂപ ക്യാഷ് ബാക്ക് വൗച്ചറായും ശേഷിക്കുന്ന 2,600 രൂപയ്ക്ക് ഇ–കൊമേഴ്സ് വെബ്സൈറ്റുകൾ വഴി ഷോപ്പിങ്ങും നടത്താം.
ജിയോ പ്രൈം അംഗങ്ങള്‍ക്ക് മാത്രമാണ് ഈ ഓഫർ ലഭിക്കുക. ആമസോൺ, പേടിഎം, ഫോൺപെ, മൊബിക്വിക്ക്, ആക്സിസ് പേ, ഫ്രീ റീചാർജ് എന്നീ വെബ്സൈറ്റുകൾ വഴി സാധനങ്ങൾ വാങ്ങാനാകും. ക്യാഷ്ബാക്ക് തുക ഡിജിറ്റൽ വോലെറ്റിലാണ് വരുന്നത്. ജിയോ ക്യാഷ്ബാക്ക് വൗച്ചർ ജനുവരി 15നാണ് വോലെറ്റിലെത്തുക.
നേരത്തെ ദീപാവലിക്ക് 100 ശതമാനം ക്യാഷ്ബാക്ക് ഓഫറും ജിയോ പ്രഖ്യാപിച്ചിരുന്നു. അന്ന് 399 രൂപയ്ക്ക് റീചാർജ് ചെയ്തവർക്ക് 400 രൂപ തിരിച്ചു നൽകി. എന്നാൽ ജിയോ ഉപഭോക്താക്കൾക്ക് ഇത്രയും കൂടുതൽ തുക ക്യാഷ്ബാക്ക് ലഭിക്കുന്നത് ഇത് ആദ്യമാണ്. അതേസമയം, 400 രൂപയുടെ ഇൻസ്റ്റന്റ് ക്യാഷ്ബാക്ക് തുക അടുത്ത എട്ടു റീചാർജുകൾ 50 രൂപ വീതം ഉപയോഗിക്കാം.

Share on Google Plus

About Abyz Thoughts

This is a short description in the author block about the author. You edit it by entering text in the "Biographical Info" field in the user admin panel.